Kjo foto pasqyron një realitet të ashpër në zonat rurale të Shqipërisë.
Një mushkë, e ngarkuar me kutitë e votimit, po i çon ato drejt fshatit Bele në njësinë administrative Zapod, në Kukës. Edhe pse teknologjia dhe modernizimi ende nuk kanë depërtuar në këto anë, kutitë e votimit mbërrijnë me çdo kusht.
Banorët e paktë që kanë mbetur në këtë zonë të largët do të votojnë nesër, me shpresën për një të ardhme më të mirë.
Kjo pamje përçon një mesazh të fuqishëm: edhe atje ku mungojnë rrugët, procesi demokratik nuk ndalet.
