Dy automjete janë ndaluar në qendër të Maqellarës nga anëtarë të shtabit të Partisë Demokratike, të cilët kanë ngritur dyshime për përfshirje në blerje votash.
Sipas raportimeve të para, në mjetet e ndaluara ndodhen katër persona. Kontrolli i plotë i automjeteve do të kryhet pasi në vendngjarje të mbërrijë drejtuesi i Prokurorisë së Dibrës.
Aktualisht, forcat e policisë ndodhen në vendin e ngjarjes dhe kanë rrethuar automjetet, ndërkohë që aty janë të pranishme edhe strukturat e Partisë Demokratike.
PD pretendon se një nga automjetet i përket kryebashkiakut të Matit, Agron Malaj, i cili është gjithashtu kandidat për deputet nga radhët e PS-së. Mjeti tjetër, sipas tyre, është në pronësi të një biznesmeni.
Në Dibër është caktuar prokurori i posaçëm Elvin Gokaj, i cili është në komunikim me strukturat përkatëse për të koordinuar veprimet e mëtejshme
