India ka hedhur poshtë pretendimet e Pakistanit, për rrëzimin e avionëve të saj luftarakë, duke i quajtur agto të pavërteta. Byroja e Informacineve për Shtypin, publikoi një verifikim faktesh mbi këto pretendime të rreme.
Në reagim të rrallë dhe të ashpër, ambasadorja indiane në Pekin kritikoi publikisht mediat shtetërore indiane Global Times për përhapjen e “dezinformatave” pas Operacionit Sindoor, një operacion ushtarak i kryer nga India ndaj vendeve të nisjes në territorin pakistanez dhe në Kashmirin e pushtuar nga Pakistani.
Ambasadoria i është drejtuar në X, ku ka postuar një deklaratë të fortë, duke kritikuar ashpër Global Times.
“Është për të ardhur keq që disa media vazhdojnë të përhapin dezinformata mbi çështje kaq serioze”.
Nga ana tjetër, ministri pakistanez i Informacionit, Attaullah Tarar, deklaroi se ushtria pakistaneze kishte rrëzuar pesë avionë luftarakë indianë, në atë që ai e quajti një “përgjigje të shpejtë dhe të kufizuar” të Islamabadit.
Ministri i Jashtëm i Pakistanit, Ishaq Dar, shtoi se Pakistani kishte marrë informacione paraprake për një sulm të mundshëm nga India rreth orës 22:00 të natës së kaluar.
“Dua ta sqarojë se Pakistani ka ushtruar vetëpërmbajtje edhe në këtë moment. Kishte udhëzime pëe të synuar vetëm avionët luftarakë indian që lëshuan ngarkesë të dobishme. Kjo është arsyeja pse u rrëzuan vetëm pesë avionë luftarakë. Nëse situata do të kishte qenë ndryshe, do të ishin rrëzuar të paktën 10 deri në 12 avionë luftarakë,” tha Dar në një deklaratë në parlamentin pakistanez.
