Djali i deputetit Luçiano Boçi mbeti i plagosur në kokë gjatë incidentit të ndodhur në mitingun përmbyllës elektoral të Partisë Demokratike në Elbasan.
Sipas raportimeve, ai është dërguar menjëherë në Spitalin Rajonal të Elbasanit, ku po merr trajtimin e nevojshëm mjekësor. Djali i deputetit ka pësuar një çarje në kokë, por gjendja e tij nuk paraqet rrezik për jetën.
Policia e Elbasanit ka nisur procedurat për hetimin e plotë të ngjarjes dhe po punon për zbardhjen e saj.
Sipas informacioneve paraprake, konflikti dyshohet se ka lindur për arsye banale midis simpatizantëve të PD-së gjatë mitingut.
