Interi dhe Barcelona përballen sot në ndeshjen e kthimit të gjysmëfinaleve të Ligës së Kampioneve, për të zgjidhur mes tyre se cila është skuadra e parë që do të shkojë në finalen e madhe të Mynihut.
Dy ekipet kanë dhuruar një barazim spektakolar 3-3 në ndeshjen e parë, që dhuroi emocione që në vërshëllimën e parë, e deri në të fundit.
Skuadrat vijnë edhe në këtë ndeshje të dytë me probleme të rëndësishme me dëmtimet apo me formën jo optimale të disa elementëve kyç, pasi Lautaro Martinez nga një anë e Levandovski nga tjetra nuk janë në formën më të mirë.
Lautaro e nis ndeshjen nga minuat e parë, ndërsa polaku i Barcelonës është në stolin e rezervave.
Sfida në “San Siro” nis në orën 21:00 dhe tashmë janë publikuar formacionet zyrtare.
