Një 24-vjeçar me banim në Gjermani është proceduar penalisht nga policia e Lezhës, pasi publikoi në rrjetin social “Tik Tok”, pamjet e fletës së votimit të plotësuar.
I riu me inicialet E.N., akuzohet për kryerjen e veprave penale “Shkelja e fshehtësisë së votimit” dhe “Shkelja e së drejtës së zgjedhjes”.
Materialet për këtë rast janë referuar në Prokurori dhe hetimet po vijojnë në gjendje të lirë. Ndërkohë, autoritetet rikujtojnë se publikimi i votës së plotësuar përbën shkelje të fshehtësisë së votimit dhe cenon integritetin e procesit zgjedhor.
