Kryetari i PD-së, Sali Berisha u paraqit sot në SPAK për të zbatuar masën e sigurisë detyrim paraqitje për dosjen Partizani. Sapo doli denoncoi Irena Gjokën, gjyqtaren që vendosi masën e parë kundër tij. Tha se vendimet e saj janë të pavlefshme për shkak se ka qenë e dënuar me 3 muaj burg në Greqi në vitin 2005.
“Njeriu që kryeson gjykatën speciale, një e dënuar. Irena me 5 mbiemra rezulton se në vitin 2005 është dënuar nga Kolegji Penal i Janinës me burg dhe gjobë. Kjo monstër në vend që të vuajë dënimet është kryetare e gjykatës Speciale dhe është keqpërdorur nga Altin Dumani.
Nga viti 2005 që ajo e ka fshehur në kolektiv bënë të pavlefshëm absolutisht çdo vendim të saj në përputhje me vendimet e gjykatës së Strasburgut. Ka dokument me vulë dhe firmë të gjykatës së Janinës edhe shqip edhe greqisht.
E pandehura u dënua me 3 muaj burgim dhe gjobë 1500 Euro dhe shpenzimet e gjyqit 73 Euro. U dënua për falsifikim, falsifikim, pasaporta a viza…U dënua nga Kolegj Penal dhe jo administrativ” tha Berisha.
