Pas një vale komentesh negative në rrjet lidhur me veshjen që Kiara Tito kishte zgjedhur për ditëlindjen e parë të vajzës së saj, Lunës, moderatorja ka vendosur të reagojë publikisht.
Në një postim të fundit në Instagram, Kiara ka ndarë një imazh nga sfilata e Chanel për koleksionin pranverë-verë 2002, duke shpjeguar se fustani që ajo ka veshur për festën është inspiruar nga ky stil.
“Fustani i ditëlindjes së Lunes është i frymëzuar nga sfilata e Chanel pranverë-verë 2002, për të gjithë kritikët,” ka shkruar Kiara, duke shtuar edhe një sqarim për një koment të përhapur: “Dhe jo, nuk kisha vapë, isha super rehat!”
Ky reagim duket se është një mesazh për ata që kritikojnë pamjen dhe zgjedhjet e saj, duke i kujtuar se çdo detaj ka një arsye.
