Historia e Danelës e treguar në Ferma Vip 2 në Vizion Plus tronditi jo pak publikun, ndërsa rrëfeu se ka patur një vëlla “Dragua” i cili gjatë netëve me shi largohej nga banesa dhe kishte fuqi të mbinatyrshme.
Pas bërjes së kësaj historie publike ishin me qindra mesazhet mbështetëse në rrjet, por disa prej tyre e quajtën trillim këtë ngjarje, madje arritën deri aty sa të quanin Danelën “mashtruese”.
Por sot ish-fermerja ka sjellë prova të forta në studion e Living Room në Vizion Plus të moderuar nga Brunilda Lahe.
Ajo ka publikuar foto e vëllait të saj të vogël, madje ka rrëfyer se edhe pse në një moshë minorene sjellja e tij ishte e krahasueshme me atë të burrave.
Pjesë nga biseda:
Danela: Fëmijët Dragua janë më të rritur se moshatarët e tyre, janë më të zhvilluar dhe nga pjesa e njohurive. Mbaj mend babin që thoshte se priste dhe përcillte njerëz si ndonjë burrë i madh.
Brunilda Lahe: Kjo foto është shkrepur në 1996-ën.
Danela: Po t’ia shikosh foto dhe sytë, do të shohësh se është shumë ëngjëll në fytyrë./vizionplus
