Kryeministri Edi Rama gjatë rubrikës “Sy m’sy” ku u përgjigjet komentuesve në rrjetet sociale, u ndal në përfitimet që vendi ynë do të këtë pas anëtarësimit në BE. Duke iu përgjigjur kometuesit rama përmendi pasaportën e cila do tu mundësojë qytetarëve shqiptarë të jetojnë dhe punojnë në vendet e BE. Gjithashtu sipas tij të votosh sërish opozitën më 11 maj është patriotikisht skandaloze.
“Nuk jemi në kushtet ku thjeshtë po ndërtojmë pasaportë apo një dokument udhëtimi me një tjetër, Pasaporta sot thjeshtë na lejon të udhëtojmë në BE po që në kufi na vendos në korridorin e posaçëm, të huajt, pra jo qytetarë të BE. Që aty hyjmë në Europë si qytetarë të dorës së dytë. Që këtu nis ndryshimi i pasaportës europiane.
Të votosh sërish kënetën?! Çfarë të thuash? Politikisht është skandalozë, patriotikisht skandaloze, është turp të mendosh që Shqipëria mund të përfaqësohet sërish nga këneta”, tha ai.
