Procesi i votimit për qytetarët shqiptarë që jetojnë jashtë vendit vazhdon. Deri sot në orën 16:20, janë marrë 193 823 zarfe nga votuesit e regjistruar për zgjedhjet parlamentare të 11 majit.
Sipas kryekomisionerit Ilirjan Celibashi, “rreth 22% e zarfeve me fletët e votimit të dërguara jashtë territorit të Shqipërisë janë rikthyer tashmë në Komisionin Qendror të Zgjedhjeve”. Kjo përkthehet në 55 761 zarfe të mbërritura deri tani, sipas të dhënave zyrtare të KQZ-së.
Votuesit në diasporë mund të plotësojnë dhe të dërgojnë fletën e votimit me postë deri në javën e parë të majit. Çdo votë që mbërrin pas datës 11 maj, ora 19:00, do të shpallet e pavlefshme.
Për administrimin e procesit është caktuar Pallati i Sportit “Feti Borova”, pranë Parkut Olimpik në Tiranë. Në këtë ambient po realizohet përgatitja dhe dërgimi i fletëve të votimit, si dhe do të zhvillohet edhe numërimi i votave të ardhura nga diaspora.
