Leandra është vetëm 7 vjeçe dhe është diagnostikuar me leuçemi agresive, me trupin e mbushur me njolla të kuqe.
Ajo duhet të niset urgjentisht jashtë shtetit për të filluar trajtimin e specializuar, ku mjekët kanë dhënë shpresa se, nëse niset menjëherë, ka shumë mundësi të rikuperohet dhe t’i kthehet jetës normale.
Familja e saj jeton në një fshat të Devollit, ku i ati punon si druvar, por mezi arrin të ushqejë familjen me bukë.
Pa asnjë shpresë dhe pa mundësi financiare, ai i drejtohet shqiptarëve zemërmirë për ndihmë. “Kush të mundet sadopak për vajzën time, ta shpëtojmë,” shprehet ai. Nëna, mes lotëve, kërkon ndihmë për vajzën e saj – “E dua,” thotë ajo, “dua që të jetojë.”
