Trajneri i Juventus, Igor Tudor, ka folur në konferencën për shtyp përpara sfidës së radhës, duke ndalur te disa tema të rëndësishme për të ardhmen e afërt të skuadrës së tij.
Gjendja e ekipit dhe mungesat
“Dua të uroj Juventus Women për titullin e gjashtë kampion. Këtë javë kemi punuar mirë. Ishte një javë më e gjatë dhe e kemi shfrytëzuar. Yildiz ka punuar disi me ne, do shohim nesër. Koopmeiners ka bërë diçka, por është në rrezik të lartë për ndeshjen. Mungojnë Mbangula dhe Gatti.”
Alternativa në sulm?
“Nuk ka plan A apo B. Duhet të zgjedhim lojtarët që janë në formë, sepse do përballemi me një ekip që është në formë dhe që ka barazuar me Interin dhe Fiorentinën.”
Goditjet standarte dhe agresiviteti
“Po, kemi punuar më shumë. Por na mungojnë disa karakteristika specifike: peshë, moshë, eksperiencë, pak nga ajo ‘dinakëria’ që mungon te goditjet standarde. Po përpiqemi të rritemi shpejt dhe pashë dëshirën për të përmirësuar veten.”
Vlerësime për Vlahovic dhe Veiga
“Vlahovic punon fort çdo ditë, dëgjon dhe mëson mirë. Shënoi dy gola të bukur dhe kjo nuk është pak.”
“Veiga më ka befasuar me personalitetin e tij. Është 22 vjeç, por ka personalitetin e një 30-vjeçari. Ka cilësi, shpejtësi dhe mentalitet që i duhet ekipit. Sot patëm një bisedë të mirë dhe i thashë se gjithçka varet nga ai.”
Vlahovic me Kolo Muani?
“Do të shohim. Mund të ndodhë, ose jo. Kolo ka punuar mirë, por edhe të tjerët po ashtu. Edhe Conceição më ka lënë përshtypje të mirë.”
Rritja e skuadrës dhe roli i Gonzalez
“Po rritemi. Jemi bashkë prej 2-3 javësh dhe kemi shtuar intensitetin për të mbrojtur dhe për të rikuperuar topa. Objektivi është të jemi agresivë dhe kompaktë.”
“Nico Gonzalez është djalë i gëzuar, me mentalitet pozitiv argjentinas. Mund të luajë në 2-3 role dhe ka ende shumë për të dhënë.”
Lojtarët që hynë dobët kundër Lecce?
“Folëm në mënyrë normale, pa ekzagjerime. Lojtarët e kuptojnë, dhe ka hapësirë për përmirësim, sidomos sepse sot ke pesë zëvendësime. Pashë një grup të vetëdijshëm dhe të etur për të përmirësuar veten.”
Juventusi i Tudor është në fazë ndërtimi, por mes sinjaleve pozitive dhe sinqeritetit të tij, mesazhi është i qartë: çdo ndeshje është vendimtare, çdo ditë është një hap drejt një identiteti të ri.
