Liverpool ka rifituar qetësinë duke rinovuar me dy yjet absolutë të skuadrës, Van Dijk dhe Salah. Ata kanë firmosur deri në vitin 2027 me klubin e kuq.
Gjithsesi, egjiptiani ka një problem. Liverpool druhet se do ta humbasë lojtarin më thelbësor të skuadrës për dhjetë ndeshje sezonin e ardhshëm.
Kjo pritet të ndodhë si rezultat i vendimit të FIFA-s për të zgjeruar Kupën e Botës për klube, gjë që sjell ndryshimin e kalendarit të Kupës së Kombeve të Afrikës.
Ky turne zakonisht luhet nga nga janari deri në shkurt, por AFCON u është nënshtruar disa reformave të mëdha në vitet e fundit dhe pritet që gjërat të ndryshojnë.
Kjo do të bënte që Liverpool të luajë 10 ndeshje pa yllin e skuadrës. Mungesë e madhe, plus risk për dëmtime.
