Dy turq janë arrestuar në pikën kufitare të Morinës pasi tentuan të hynin në Shqipëri me drogë me vete. Policia bën me dije se të arrestuarve iu gjetën dhe u sekuestruan sasi të lëndës së dyshuar narkotike kanabis. Gjithashtu është arrestuar edhe një person që tentoi të kalonte kufirin me një automjet të shpallur në kërkim ndërkombëtar nga Interpol Brukseli si edhe një tjetër që tentoi të kalonte kufirin, ndërkohë që ishte në kërkim nga Policia e Krujës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
