Kryedemokrati Sali Berisha gjatë një takimi me banorët e Vaqazrrit ka kritikuar sërish qeverinë sa i përket sjelljes ndaj femrëve dhe pensionistëve.
Berisha premtoi se pas 11 majit gjithçka do të ndryshojë. Ai theksoi se do të pesëfishojë subvencionet për fermerët, duke theksuar se çdo vend i zhvilluar mbështet financiarisht prodhuesit e tij.
Ai akuzoi qeverinë për hapjen e tregut ndaj prodhimeve serbe, të subvencionuara shumë më tepër se ato vendase, çka ka çuar sipas tij në falimentimin e fermerëve shqiptarë.
“Nuk do ketë ilaçe në treg, që nuk tregtohen së paku në dy vende të BE-së. Ne do të zgjidhim disa gjëra, që janë jetike. Qeveria tallet me pensionistët. Pse Kurti ka i ka marrë paratë, kur ka gjysmën e pensionistëve të Shqipërisë, por ka gjysmën e buxhetit. Mali i Zi e ka pensionin mesatar 450 euro. PD kur erdhi e gjeti pensionin 36 mijë lekë të vjetra dhe i rritëm. Morëm paratë nga buxheti dhe i dërguam në pensione. Çdo shtet subvencionon fermerin, i jep para në dorë për atë që mbjell, për atë që korr, për atë që mbarështon, për fidanët që mbjell dhe asnjë shtet nuk humbet nga kjo, ato kthehen në mirëqenie. Ky hapi kufijtë për Serbinë, për Ballkanin e Hapur. Prodhimet serbe, që kanë subvencione 8 herë më shumë se ne, normalisht që do kenë prioritete. Kjo bëri që malli i vendit të kalbet dhe fermeri të falimentojë e të largohet. Subvencionet do i rrisim me 5 herë”, tha Berisha.
