Kryetari i Komisionit Qëndror të Zgjedhjeve Ilirjan Celibashi ka deklaruar se deri më tani janë dërguar rreth 90 mijë zarfe ose 36.3% e numrit zyrtar të zgjedhësve nga jashtë. Me anë të një deklarate për mediat, Celibashi theksoi se deri më tani procesi i votimit ka vijuar pa probleme, ndërkohë që ka theksuar se votuesi i parë ishte një emigrant në Gjermani. Celibashi në fund të fjalës së tij theksoi se synohet që i gjithë procesi të përfundojë brenda 2 ditëve. “Kemi nisur sot përgatitjen e dërgimit të dokumentacionit zgjedhor për qarkun Korçë dhe Lezhë, në pjesën e dytë të ditës së sotme fillojmë me qarkun Tiranë. Deri tani kemi dërguar rreth 90 mijë zarfe që përbëjnë 36.3% të numrit total të zgjedhësve që janë regjistruar si votues nga jashtë. Shtetet me të mëdha me shpërndarjen e zarfeve janë Italia, Greqia dhe Gjermania. Synojmë që gjithë procesin ta [përfundojmë brenda 2 ditëve, sipas raporteve që kemi marrë nga shërbimi postar votuesi i parë që i ka mbërritur zarfi me fletën e votimit i përket qarkut Dibër dhe është në Gjermani, i ka mbërritur në orën 07:15 minuta. Ky është votuesi i parë që ka marrë dokumentacionin zgjedhor të dërguar nga KQZ,” tha Celibashi.
