Një ngjarje e rëndë ka ndodhur pas mesnatës në fshatin Plug të Lushnjës, ku një tentativë grabitjeje ka përfunduar me përleshje dhe plagosjen e një personi.
Sipas burimeve, një person ka hyrë në një stan me qëllim për të vjedhur bagëtitë. Ai është pikasur nga i zoti i shtëpisë, Flamur Mane, 66 vjeç dhe mes tyre ka shpërthyer një përleshje.Autori i dyshuar ishte i armatosur me një armë gjahu, e cila është përdorur gjatë konfliktit, duke lënë të plagosur Flamur Manen.
I dëmtuari është transportuar fillimisht në spitalin e Lushnjës dhe më pas është dërguar në Tiranë për ndihmë mjekësore më të specializuar. Fatmirësisht, sipas informacioneve të para, ai ka marrë dëmtime të lehta dhe ndodhet jashtë rrezikut për jetën.Ndërkohë, policia ka shoqëruar një person si të dyshuar për ngjarjen dhe po vijon hetimet për të zbardhur plotësisht rrethanat e kësaj tentative grabitjeje.
