Dy javë më parë qyteti i Vlorës u zhyt i gjithi nën ujë pas një shiu të rrëmbyeshëm që përmbyti rrugët, duke shkaktuar përmbytje dhe dëme në banesa e biznese.
Sipas banorëve, shkak i përmbytjes ishte mosfinksionimi i hidrovorëve. Por kur kanë kaluar gati 20 ditë nga përmbytja e madhe, ditën e sotme ka nisur një verifikim për ndërtesat e ngritura buzë kanaleve kullues.
Ndërtesat që janë pa leje do të shemben, dhe sipas kryetarit të bashkisë Vlorë, Ermal Dredha, kjo për t’i dhënë një mesazh qytetarëve që pengojnë mirëfunksionimin e kanalit. Aksioni që nisi për të shembur banesat pa leje është paralajmëruar se do të vijojë edhe në ditët e ardhshme.
Këto masa synojnë që të pengojnë përsëritjen e situatës të dy javëve më parë, por pritet për t’u parë nëse do të japin rezultatin e planifikuar.
