PD- ASHM po prezanton pasditen e kësaj të shtune programin elektoral, duke kërkuar kështu votën e shqiptarëve në garën e madhe të 11 majit.
Kreu i opozitës, Sali Berisha, në fjalën e tij tha se Partia socialiste dhe Rama kopjuan projektin e PD-së.
Ai deklaroi se projekti i ASHM nuk ka dalë nga hici, as nuk është kopjuar si dhe as nuk u ndërtua në 3 muaj për fushatën elektorale, por plot 3 vite.
Berisha: Shqipëria po jeton në dy ditë një festë të vërtetë, festën e shpresës, të optimizimit, dinjitetit, festën e cila është e gjitha energjia e fitores së 11 majit. Sot jemi mbledhur për të prezantuar një projekt që në krye të këtyre viteve nuk ka pasur kurrë. Aq projekt i mirë sa edhe pse qeverisi 12 vite me mashtrime, u kthye dhe e kopjoi. Projekti i Ramës është vetëm dora për të vjedhur. Por, miqtë e mi, kopja mbetet kopje e shëmtuar. Nokia tentoi të kopjonte iPhone dhe dështoi. Sot jam këtu për t’i kërkuar çdo qytetari, të gjithëve shqiptarëve, brenda dhe jashtë vendit, u kërkoj që akoma mbajnë të fshehur në vete ëndrrën për tu larguar nga vendi, të më japin 40 minuta që t’iu tregoj atyre alternativën e ASHM. Ky projekt nuk ka dalë nga hici, as nuk është kopjuar, nuk u ndërtua as në 3 muaj për fushatën elektorale, por janë dashur 3 vite.
Në krah të liderit të opozitës, Sali Berisha, është edhe strategu i fushatës elektorale të presidentit amerikan Donald Trump, Chris LaCivita, i cili mbajti fjalën e tij pak minuta para liderit të opozitës.
