Shqipëria do të ndeshet me Serbinë më 7 qershor, në orën 20:45, në kuadër të Grupit K të kualifikueseve për Kupën e Botës 2026.
UEFA ka konfirmuar se sfida do të zhvillohet në stadiumin “Arena Kombëtare”, një përballje që pritet të jetë shumë e tensionuar dhe me rivalitet të lartë.
Sipas “Panorama Sport”, në ambientet e brendshme të FSHF-së po diskutohet mundësia që kjo ndeshje të zhvendoset në “Elbasan Arena”, për arsye sigurie.
Mbetet për t’u parë në ditët në vijim nëse do të ketë një ndryshim të vendndodhjes apo sfida do të luhet siç është planifikuar në Tiranë.
Kujtojmë që Kombëtarja shqiptare, nën drejtimin e trajnerit Silvinjo, ndodhet aktualisht në vendin e dytë në grup me 3 pikë. Kuqezinjtë u mundën në ndeshjen hapëse nga Anglia në “Wembley”, por arritën një fitore në “Arenën Kombëtare” ndaj Andorrës.
