Arkitekti i fushatës së Aleancës për Shqipërinë Madhështore, Chris LaCivita mbajti një fjalë të shkurtër përballë mijëra demokratëve të mbledhur në sheshin “Nënë Tereza”.
I bindur, LaCivita u shpreh se ashtu sikurse në Shtetet e Bashkuara të Amerikës, ku socialistët tentuan që të burgosurin presidentin Donald Trump, edhe këtu në Shqipëri do të ndodhë e njëjta gjë.
Sipas tij qeveria në pushtet po përpiqet të burgosë opozitën shqiptare me qëllim për të fshehur krimet dhe dështimet e tyre përgjatë këtyre 12 viteve.
LaCivita: Votoni për Berishën, jepini vendit shpresë dhe mundësi! Socialistët do dështojnë, siç dështuan edhe me Trump! Ta bëjmë Shqipërinë madhështore Kush është gati ta bëjë Shqipërinë madhështore sërish? Në vitin 2024, në Shtetet e Bashkuara, socialistët u përpoqën të fusnin në burg Donald Trump. Donald Trump nuk u dorëzua. Ata dështuan.
Në vitin 2025, këtu në Shqipëri, socialistët duan të fusin në burg gjithë opozitën e tyre. Edhe këtu do të dështojnë. Pse? Sepse nuk mund të mbrojnë dot bilancin e 12 viteve të fundit: 12 vite krim, 12 vite drogë, Më shumë se 1 milion shqiptarë janë larguar nga vendi, Dhe 12 vite dështim ekonomik.
Pse të votoni për partinë që i krijoi të gjitha këto probleme? Votoni për Dr. Berishën. jepini vendit tuaj mundësinë. Dhe jepini njerëzve shpresë. Faleminderit. Zoti ju bekoftë!
