Një 33-vjeçar Samson K. me origjinë nga Kosova dyshohet se ka plagosur me thikë bashkëshorten e tij Sabrina K., duke i shkaktuar plagë të rënda trupore. Sipas mediave gjermane, 31-vjeçarja ka marrë pesë goditje me thikë dhe raportohet se ngjarja ka ndodhur në prani të dajlit të tyre 7-vjeçar.
Gazeta gjermane shkruan se Samson dhe Sabrina ishin të martuar prej disa vitesh dhe kishin dy fëmijë, një vajzë 4-vjeçare dhe djalin. Ata kanë qenë të martuar për disa vite, ndërsa raporti mes tyre ka qenë i tensionuar për vite, dhe thuhet të kenë pasur mosmarrëveshje të vazhdueshme.
Sipas informacioneve, autori ka qenë i dënuar për sulm dhe dhunë. Më 17 janar 2024, ai kishte goditur me shuplakë Sabrinën në fytyrë dhe ia kishte shkulur flokët. Për pasojë, viktima kishte përfunduar me buzë të ënjtur dhe e gjakosur, si dhe me disa gërvishtje në fytyrë.
Samsoni nuk ishte lejuar të kontaktonte bashkëshorten e tij pas një vendimi gjykate. Ai nuk ishte lejuar as t’i afrohet apartamentit më afër se 100 metra. Këtë vendim, ai e kishte shkelur katër herë. Vendimi ka qenë në fuqi deri më 19 korrik, 2024.
