Apple pritet të lansojë një iPhone të ri të palosshëm vitin e ardhshëm, bazuar në thashethemet e shumta dhe burime të besueshme.
Pajisja e shumëpritur është përfolur për vite me radhë, por shenjat gjithnjë e më shumë sugjerojnë se viti 2026 mund të jetë vërtet viti që Apple lëshon pajisjen e saj të parë të palosshme.
Sipas Mark Gurman të Bloomberg, iPhone i palosshëm i Apple është i ngjashëm në stil me Galaxy Z Fold të Samsung, i cili përdor një mekanizëm të palosjes në stilin e librit.
Ekrani
Kur paloset, përdoruesit do të ndërveprojnë me një ekran të jashtëm 13 centimetra që është i ngjashëm me një ekran tipik iPhone, ndërsa shpalosja e tij do të zbulojë një ekran më të madh 19 centimetra të stilit iPad.
Materiali
iPhone i palosshëm thuhet se ka një shasi titani, dhe një kombinim materialesh si titani dhe çeliku inox, shkrujnë mediat e huaja.
Kamera
Bëhet e ditur se iPhone i palosshëm pritet të përfshijë një kamerë të pasme me dy lente, me një kamerë të përparme.
Face ID
Besohet se telefoni do të heqë dorë nga Face ID dhe në vend të kësaj do të përdorë një buton anësor Touch ID.
Apple ka integruar më parë Touch ID në butonin anësor të iPad, iPad Air dhe iPad mini.
Jetëgjatësia e baterisë
Telefoni thuhet se do të përdorë bateri me densitet të lartë – të njëjtat që besohet se do të përdoren në iPhone 17 Air të ardhshëm ultra të hollë të Apple.
Çmimi
Raporte të shumta sugjerojnë se iPhone i palosshëm do të kushtojë midis 2000 dhe 2500 dollarë, gjë që mund ta bëjë atë iPhone më të shtrenjtë ndonjëherë.
Data e lansimit
Një datë e saktë nuk dihet ende, por prodhimi masiv thuhet të jetë planifikuar për gjysmën e dytë të vitit 2026.
