Partia Demokratike-Aleanca për Shqipërinë Madhështore prezantoi sot kandidatët për deputetë në qytetin e Lushnjës.
Gjatë fjalës së tij në Lushnjë, kryetari i PD-së, Sali Berisha tha se kandidatët e PD-se ndryshojnë si dita me natën në krahasim me kandidatë socialistë të Belinda Ballukut.
“Kam nder të veçantë që vij sot këtu për t’u paraqitur ju, burra dhe gra, individë të shquar, njerëz të suksesit, njerëz me dinjitet, që përfaqësoni vlerat më të arrira të familjeve, të komunitetit, të qytetit dhe fshatrave të këtij rrethi. Do përfaqësoni në parlament me dinjitet interesat e tyre më jetike dhe më të mira. Krahasimi juaj me deputetët e Lubisë, deputetët e Shytëve, janë të krahasosh natën me ditën. Demokrate e demokratë, qytetare e qytetarë, askush nuk mendonte kurrë para 4 vitesh se forca politike, të cilës ju i dhatë besimin për të mbrojtur idealet tuaja, për të mbrojtur parimet, do të vinte sot në prag të fitores më e fortë se kurrë, më e fuqishme se kurrë”, tha kreu i PD-së.
Nga Lushnja, Berisha, foli edhe për kryeministrin Edi Rama. Berisha tha se Rama duke e quajtur atë “buf” në të vërtetë i ka dhënë epërsi për fushatën.
Ai u premtoi qytetarëve se do përdorë të gjithë eksperiencën, dhe mençurinë për ta përzënë Ramën nga pushteti më datë 11 maj.
“Ai që më quan mu buf. Por ai nuk kupton që më ka dhënë një epërsi të jashtëzakonshme, dhe ju garantoj ju që do përdor të gjithë eksperiencën, mençurinë time për ta përzënë më datë 11 maj së bashku me ju”, tha kreu i PD.
“Ai që më quan mu buf. Por ai nuk kupton që më ka dhënë një epërsi të jashtëzakonshme, dhe ju garantoj ju që do përdor të gjithë eksperiencën, mençurinë time për ta përzënë më datë 11 maj së bashku me ju.
Kopjon dhe imiton si majmuni. Sot deklaronte se do prodhojmë made in Albania makina ushtarake, jo mor jo do ta fillojmë me qumështin, me frutat me zarzavatet, do ta fillojmë me biznesin e vogël, me biznesin e madh, do të prodhojmë edhe makina, do prodhojmë çdo gjë. Shqipëria do jetë prodhuese dhe vetëm prodhuese”, tha Berisha.
