Princ Leka ka ndarë një fotografi të veçantë të familjes së tij, e realizuar ndoshta dekada më parë kur ai vetë ishte adoleshent, dhe kujton ditëlindjen e Leka Zogut të I, babait të tij.
“Gëzuar ditëlindjen, Baba. Sot zemra ime është e mbushur me mall dhe dashuri për ty”, shkruan ai krah fotografisë ku shihet duke përqafuar dy prindërit, me mesazhin se mungesa e tyre është shumë e fortë.
“Më mungon fjala jote e qetë, prania jote fisnike, shikimi yt i ngrohtë që mbante brenda mençurinë e një Mbreti dhe dashurinë e një Babai.
Ti ishe udhërrëfyesi im, ai që më mësoi vlerën e përulësisë, forcën e dinjitetit dhe dashurinë e thellë për atdheun. Më mungon pafund”,përmbyll Princ Leka mesazhin e tij për të atin.
Leka Zogu I lindi më 5 prill 1939 dhe mbylli sytë përgjithmonë më 30 nëntor 2011. Ai ishte djali i vetëm i Mbretit Zogu I të shqiptarëve dhe i Mbretëreshës Geraldina Apponyi. Ai u quajt Princi i Kurorës Skënder në lindje. Leka ishte pretendues për fronin shqiptar dhe njihet si Mbreti Leka I.
