Albanian
English
Italian
Një javë nga hapja zyrtare e fushatës për zgjedhjet parlamentare të 11 Majit, Qeveria Shqiptare ka vendosur të shpërndajë 1.5 miliardë lekë të vjetra për partitë politike, që të organizojnë takimet dhe tubimet elektorale me votuesit.
Në mbledhjen e sotme të Këshillit të Ministrave, datë 4 Prill, është marrë vendimi që në programin për mbështetje të partive politike të të shtohet fondi prej 150 milionë lekësh të reja ose 1.5 miliardë lekësh të vjetra.
Paratë, të cilat nuk do të jenë të ndara njëlloj për të gjitha subjektet zgjedhore pjesëmarrëse në këto zgjedhje, do të shpërndahen nga Komisioni Qendror i Zgjedhjeve, përcjell newsbomb.al.
Efekti financiar, i parashikuar sipas pikës 1, të këtij vendimi, përballohet nga fondi rezervë i Këshillit të Ministrave, për raste të paparashikuara të njësive të qeverisjes së përgjithshme miratuar për vitin 2025. Për zbatimin e tij ngarkohen Ministria e Financave dhe KQZ.
[…] Këshilli i Ministrave vendosi:
1. Për financimin e fushatës zgjedhore për Kuvendin e Shqipërisë të datës 11 maj 2025, në programin “Mbështetje për partitë politike” shtohet fondi prej 150 000 000 (njëqind e pesëdhjetë milionë) lekësh, i cili u shpërndahet subjekteve zgjedhore, pjesëmarrëse në këto zgjedhje, nga Komisioni Qendror i Zgjedhjeve.
2. Efekti financiar, i parashikuar sipas pikës 1, të këtij vendimi, përballohet nga fondi rezervë i Këshillit të Ministrave, për raste të paparashikuara të njësive të qeverisjes së përgjithshme, miratuar për vitin 2025.
3. Ngarkohen Ministria e Financave dhe Komisioni Qendror i Zgjedhjeve për zbatimin e këtij vendimi.
