Liri Berisha, bashkëshortja e ish-presidentit dhe ish-kryeministrit të Shqipërisë, ka dhënë një intervistë special për faqen shumë të ndjekur në rrjetet sociale “Lolita”. Ajo është pyetur mes të tjerash edhe nëse është ndjerë ndonjë xheloze për Sali Berishën.
E drejtpërdrejtë dhe me garancinë se ishte tepër e sinqertë në atë që po thoshte, Liri Berisha pranoi se në momentet e para të njohjes me Saliun, ishte bërë xheloze kur kishte humbur ajo vëmendja e duhur, por ish-kryeministri nuk i kishte dhënë asnjëherë rast konkret.
E drejtpërdrejtë dhe me garancinë se ishte tepër e sinqertë në atë që po thoshte, Liri Berisha pranoi se në momentet e para të njohjes me Saliun, ishte bërë xheloze kur kishte humbur ajo vëmendja e duhur, por ish-kryeministri nuk i kishte dhënë asnjëherë rast konkret.
Lolita: A je bërë ndonjëherë xheloze, sepse siç ka thënë dhe doktori “xhelozia është sedimenti që lind në dashuri dhe prodhohet nga frika se personi i dashuruar preferon tani dikë tjetër”?
Liri Berisha: Kur kemi qenë të rinj, në njofjen e parë, edhe mund të ketë pasur, ka pasur momente xhelozie kur humbiste ajo vëmendja e duhur. Por asnjëherë xhelozia nuk ka qenë mollë sherri. Të jesh e bindur në këtë që po them, kam qenë e qetë në këtë drejtim. Nuk më ka dhënë rast që të jem xheloze.
Ish-presidenti dhe ish-kryeministri i Shqipërisë, Sali Berisha është martuar me pediatren Liri Berisha më shumë se 5 dekada më parë dhe nga martesa e tyre kanë ardhur në jetë dy fëmijë, Argita dhe Shkëlzen Berisha.
Çdo datë 5 Korrik, Liri Berisha feston ditëlindjen dhe njëherësh përvjetorin e martesës me Sali Berishën. Këtë verë, ajo do të festojë 77 vjetorin e lindjes dhe 54 vjetorin e martesës me bashkëshortin dhe liderin demokrat Sali Berisha.
