Një tërmet me magnitudë 6 ballë i shkallës rihter goditi rajonin Kyushu të Japonisë të mërkurën në mbrëmje. Nuk ka raportime për viktima apo dëme dhe nuk është lëshuar alarm për cunami. Tërmeti ndodhi disa ditë pas paralajmërimeve për një tërmet të fuqishëm në Trogun e Nankait, i cili mund të shkaktojë deri në 300,000 viktima dhe dëme masive.
Sipas Qendrës Kombëtare për Sizmologji, tërmeti kishte epiqendrën 283 km në juglindje të Nagasakit dhe ndodhi në një thellësi prej 30 km. Japonia, një nga vendet më të prirura për tërmete, vlerëson një shans prej 80% për një tërmet me magnitudë 8-9 në këtë zonë në të ardhmen.
Një raport i qeverisë japoneze paralajmëron se një tërmet i tillë mund të shkaktojë humbje ekonomike deri në 1.81 trilion dollarë dhe të shkatërrojë qindra ndërtesa. Trogun e Nankait, një zonë sizmike aktive, e godet një tërmet i madh çdo 100-150 vjet.
