Rusia thotë se “nuk mund ta pranojë” propozimin e SHBA-së për marrëveshjen e paqes në Ukrainë dhe nxjerr një sërë kërkesash të reja.
Rusia thotë se po shqyrton seriozisht propozimet e SHBA-së për përfundimin e luftës në Ukrainë, por ‘nuk mund të pranojë’ marrëveshjen aktuale të paqes të Uashingtonit.
Moska dëshiron që SHBA të marrë parasysh ato që ajo i konsideron si shkaqet rrënjësore të konfliktit, u citua të ketë thënë një diplomat rus nga media shtetërore këtë të martë.
“Ne i marrim shumë seriozisht modelet dhe zgjidhjet e propozuara nga amerikanët, por nuk mund t’i pranojmë të gjitha në formën e tanishme”, citohet të ketë thënë zëvendësministri i Jashtëm Sergei Ryabkov.
“Me sa shohim, sot nuk ka vend në to për kërkesën tonë kryesore, përkatësisht zgjidhjen e problemeve që lidhen me shkaqet rrënjësore të këtij konflikti”.
“Kjo mungon plotësisht dhe kjo duhet kapërcyer”, citohet të ketë thënë ai për revistën “International Affairs”.
