G Bani ka pranuar se ka qenë i dashuruar me Danjën. Teksa ishte i ftuar në ‘Wake up’ pranoi se kur ishte në BBVA, kishte ndjenja, por tani jo më.
Ndërkohë, i dashuri i Danjës, pati paralajmëruar më herët se po i sosej durimi nga marrëdhënia midis Danjës dhe G-Banit në shtëpi.
“Po më soset durimi. Nuk i kam borxh asgjë”, ishte mesazhi që Redi i dërgoi Danjës.
Pas daljes nga shtëpia, G-Bani pranoi se i dashuri i Danjës, Redim ka komunikuar me familjarët e tij për të kërkuar që raporti mes tij dhe Danjës të ndërpritej.
Pjesë nga intervista e G-Banit:
Për kë thua që do të merrte malli?
G-Bani: Do më merrte malli për Danjën. Isha i dashuruar kokë e këmbë me të. Tani nuk jam më. Reflektoj dhe shikoj shumë shpejt se çfarë po ndodh. Jam i dashuruar me të qenit në dashuri. Më inspironte, ishte muza ime, e ushqeja unë këtë gjë. Dola nga dashuria shumë shpejt.
Ke pasur komunikim me Redin, të dashurin e Danjës?
G-Bani: Nuk kam pasur komunikim. Ai ka kontaktuar familjarë të mitë dhe ka kërkuar që të mbarojë kjo gjë. Ka qenë komunikim njerëzor, korrekt. Të ishte ndryshe, do ishte marrë vesh.
