Një grua nga Shqipëria është akuzuar për vrasjen e një të moshuare më 12 tetor në Kamena Vourla, Greqi.
Sipas informacioneve, gruaja ishte e afërt me 84-vjeçaren dhe e dinte se në shtëpinë e të moshuarës kishte para.
Kronika
Autoritetet u njoftuan më 12 tetor nga kushëriri i të moshuarës, i cili kishte humbur kontaktet me 84-vjeçaren prej më shumë se 24 orësh.
Kur oficerët mbërritën në shtëpi, zbuluan se dera ishte e hapur por nuk kishte shenja të thyerjes.
Jo shumë larg derës, 84-vjeçarja u gjet e vrarë, ndërsa pranë saj kishte njolla gjaku dhe gjurmë këpucësh. Megjithatë, u konstatua se nuk kishte shenja përleshjeje.
Pas hetimeve u konstatua se 84-vjeçarja kishte marrë një plagë në shpinë nga një objekt i mprehtë.
Mediet greke nuk kanë bërë të ditur identitetin e shqiptares së arrestuar.
