Bologna mori një fitore të rëndësishme në kampionat ndaj Venezias, për të blinduar vendin e katërt.
Megjithatë përveç triumfit, vëmendjen e të gjithëve e tërhoqi sulmuesi Jens Odgaard. 25-vjeçari u shfaq në këtë përballje, me një shenjë të çuditshme në qafë.
Plaga e danezit, u shpërnda me shpejtësi në rrjetet sociale, duke ngritur dyshime se çfarë mund t’i kishte ndodhur.
Ishte vetë Odgaard që zbuloi gjithçka. Në rrjetet sociale, ai tha se po mjekohet dhe është shenjë e trajtimit që po bënte te qafa, por pa diçka serioze.
Sulmuesi danez është një nga lojtarët më të mirë te Bologna këtë sezon. Ai numëron gjashtë gola të shënuar në 25 ndeshje të zhvilluara.
