Një skenë spektakolare, si nga filmat, ka ndodhur pranë Livornos në Itali.
Në bypass-in Aurelia në San Vincenzo, një grup i armatosur ka sulmuar dy furgona të blinduar të kompanisë Battistolli, të cilët transportonin paratë e pensioneve për zonën e Grossetos. Ngjarja ka ndodhur pasditen e sotme dhe është kapur në video nga Presidenti i Qarkut, Eugenio Giani, ku shihen momentet dramatike të sulmit.
Dëgjohen të shtëna në rrugë, dhe pas sulmit, banditët kanë djegur një nga furgonat dhe janë larguar me tre makina. Ata kanë arritur të grabisin paratë në vetëm disa minuta.
Fatmirësisht, nuk ka raportime për të lënduar, ndërkohë që në vendngjarje kanë mbërritur ambulanca, policia dhe zjarrfikësit.
Shiko videon këtu!
