Të paktën 10 persona kanë humbur jetën pasi një xhami u shemb në Mandalay, pas tërmetit tragjik që u regjistrua mëngjesin e sotëm në Mianmarin.
Dhjetëra persona të tjerë mbeten të bllokuar nën rrënojat e ndërtesave të shkatërruara nga lëkundjet. Sipas dëshmitarëve, edhe pjesë të Pallatit Mbretëror historik në Mandalay kanë pësuar dëmtime të rënda.
Në Naypyidaë, kryeqyteti i Myanmar, të plagosurit po ndihmohen nga ambulancat dhe kalimtarët, ndërsa po transportohen drejt spitaleve.
Lëkundjet e tërmetit ishin aq të fuqishme sa u ndjenë edhe në Bangkok, kryeqytetin e Tajlandës, ku një rrokaqiell 30-katësh në ndërtim u shemb në zonën e Chatuchak. Në këtë incident, 43 punëtorë janë të bllokuar nën rrënoja, ndërsa ekipet e shpëtimit ndodhen në vendngjarje duke punuar për t’i nxjerrë të gjallë. Deri më tani, raportohet për disa të plagosur.
Për shkak të situatës, kryeministri tajlandez, Paetongtarn Shinaëatra, ndërpreu vizitën e tij në ishullin jugor të Phuket dhe, pas një takimi urgjent, shpalli gjendjen e jashtëzakonshme në Bangkok.
