Prokuroria e Posaçme (SPAK) ka zbardhur të gjitha akuzuar që rëndojnë ndaj kreut të Partisë së Lirisë, Ilir Meta dhe ndaj bashkëshortes Monika Kryemadhi, për të cilën është dhënë masa “detyrim paraqitje”.
Sipas SPAK janë pesë raste ku Meta dhe Kryemadhi duke shfrytëzuar postet e tyre në politikë, kanë bashkëpunuar me biznesmenë për të përfituar të ardhura.
Në një nga rastet madje thuhet se Ilir Meta dhe Kryemadhi kanë hyrë në marrëdhënie korruptive me biznesmenin S.M., duke përfituar përkohësisht një vilë si shpërblim për influencën e paligjshme që ata ushtronin ndaj funksionarëve publikë të emëruar nga LSI, në interes të aktiviteteve ekonomike të bizmesmenit në fjalë.
Madje Kryemadhi me porosi të biznesmenit në fjalë, ka marrë përsipër edhe ndryshimin e një ligji në Kuvendin e Shqipërisë.
“Gjatë hetimit ka rezultuar gjithashtu se çifti I.M. dhe M.K., kanë hyrë në marëdhënie korruptive me biznesmenin S.M., duke përfituar përkohësisht një vilë si shpërblim për influencën e paligjshme që ata ushtronin ndaj funksionarëve publikë të emëruar nga LSI, në interes të aktiviteteve ekonomike të bizmesmenit në fjalë. Personi nën hetim M.K., me porosi të biznesmenit në fjalë, ka marrë përsipër edhe ndryshimin e një ligji në Kuvendin e Shqipërisë (ligj i cili u ndryshua sipas kërkesës së biznesmenit S.M.)”, thuhet në njoftimin e SPAK.
