Trajneri i Kombëtares Shqiptare, Sylvinho, ka shprehur kënaqësinë e tij për fitoren 3-0 ndaj Andorrës, një rezultat që i dha Shqipërisë tre pikë të vlefshme në eliminatoret e Botërorit 2026.
Në një deklaratë për gazetarët, tekniku brazilian theksoi se kjo fitore ishte e nevojshme për të rikthyer skuadrën në garë dhe komentoi gjithashtu lojën e ekipit, duke vlerësuar afrimet e reja dhe pjesën e sulmit.
“Jam i kënaqur me këtë fitore. Djemtë e merituan për të hyrë në garë, sepse kishim nevojë për këto pikë. Bëmë disa ndryshime në skemë dhe arrijtëm të fitonim. Ndryshimet varen nga dinamika e lojës, por kur bëhen shumë, mund të duket sikur prishin organizimin. Broja është një lojtar i fortë, i kompletuar. Mund ta përdorim në të dy krahët, sipas kundërshtarit. Nëse arrijmë të gjejmë një ekuilibër në skuadër, ai mund të bëjë më shumë, siç tregoi edhe në ndeshjen me Anglinë,” tha Sylvinho.
