Një ngjarje e rëndë e ndodhur ditën e enjte në Lushnje, ku dy të rinj, 20 dhe 23 vjeç, kanë goditur me gurë 43-vjeçarin Fabjol Cani. 43-vjeçari, i cili nuk flet dhe nuk dëgjon u transportua te Trauma.
Nëna e tij, Fatbardha Hysi ka deklaruar se gjendja e tij shëndetësore vijon të mbetet kritike, ndërsa ndodhet te Trauma.
“Djalit i kanë çarë kafkën me gurë. Të premten djali iu nënshtrua një operacioni, por gjendja shëndetësore e djalit vijon të jetë kritike. Ngjarja ndodhi të enjten, kur djali sapo doli nga xhamia.
Dy djemtë e tjerë e goditën me gurë, njërin prej tyre e kemi fqinj, ndërsa tjetrin nuk e njohim. Me fqinjët nuk kemi probleme. Djali nuk më ka shprehur më parë shqetësime, nuk e di shkakun përse dy të rinjtë e sulmuan”, ka deklaruara ajo.
Në polici autorët Enea Korreshi (17 vjeç) dhe Irdi Nasufi (20 vjeç), kanë pranuar fajin duke treguar se si ka ndodhur ngjarja. Ata kanë thënë se mbrëmjen e 20 marsit janë shkëmbyer me 43-vjeçarin, të cilin e njihnin më pare. Në këtë moment ata kanë thënë se 43-vjeçari i ka ofenduar dhe me të njiheshin edhe më parë.
Fillimisht ka nisur një talljeje me të për shaka, por në momentin që Fabjol Hysa i ka ofenduar, aty e kanë goditur me grushte. Dyshohet se për shkak te dhunës 43-vjecari ka përplasur kokën ne një cep muri, çka i ka sjellë edhe dëmtimin e rëndë në kokë.
Policia e Lushnjes ka sekuestruar kamerat e sigurisë në zonë, për të zbardhur dinamikën e plotë të ngjarjes, ndërsa Gjykata e Fierit caktoi masën e sigurisë “arrest në burg” për 20-vjeçarin Irgi Nasufi dhe “detyrim paraqitjeje” për 17-vjeçarin Enea Korreshi. 43-vjeçari është në gjendje stabël.
