Anglia ka fituar 2-0 ndaj Shqipërisë në ndeshjen e parë kualifikuese për Kupën e Botës 2026, e luajtur sonte në “Wembley”, ku ishin të pranishëm me mijëra tifozë shqiptarë.
Kuqezinjtë u mbrojtën mirë minutat e para, duke mos i lënë shumë hapësirë kundërshtarit. Por, rezistenca e Shqipërisë zgjati vetëm 19 minuta, anglezët gjetën golin me debutuesin Leëis-Skelly, pas asistit të Jude Bellingham, djaloshi që luan me Arsenal-in dërgon topin në rrjetë.
Në minutat në vijim, Anglia pati dhe 2-3 raste të tjera të pastra për të shënuar, por Strakosha shpëtoi kuqezinjtë me pritjet e tij. Pjeesa e parë mbyllet 1-0 për të zotët e shtëpisë.
Goli i dytë i takimit erdhi në minutën e 76-të, pas një krosimi perfekt të Declan Rice dhe një stopimi të bukur të topit dhe shmangies së Ajetit, Harry Kane dërgon topin në rrjetë. Ndeshja mbyllet përfundimisht 2-0. Pas 3 ditësh, Shqipëria do të presë Andorrën në Tiranë, ndërsa Anglia do të presë Letoninë.
Në ndeshjen tjetër të këtij grupi, Letonia fitoi në transfertë 0-1 ndaj Andorrës.
