Të dielën e fundit e marsit akrepat do të shkojnë 1 orë përpara. Mbrëmjen mes të shtunës 29 dhe të dielës 30 mars 2025, do bëhet kalimi nga ora dimërore në atë verore. Më pas, orët do të vendosen një orë përpara për kohën e ditës.
Ky ndryshim i orës ndodh në orën 02:00 të mëngjesit të së dielës së fundit të muajit mars, kur akrepat zhvendosen dhe ora shënon 03:00. Ndryshimi i orës verore, do t’u japë mundësi të gjithë njerëzve të shijojnë më shumë ditën dhe rrezet e diellit.
Polemika mbi mbizotërimin e kohës së kursimit të ditës
Ndryshimi i orës dhe zbatimi i orës ditore kanë shkaktuar debate të nxehta në Bashkimin Evropian vitet e fundit.
Debati u rindez në vitin 2018, kur Komisioni Evropian propozoi heqjen e ndryshimit të orës, pas një konsultimi publik në të cilin 84% e qytetarëve evropianë ishin në favor të zbatimit të përhershëm të orës verore ose dimërore.
Megjithatë, për shkak të mungesës së unanimitet midis shteteve anëtare për kohën që duhet zgjedhur, çështja mbetet e hapur.
