SPAK ka marrë nën hetim policët e burgjeve që transferuan Erjon Veliajn nga Durrësi në ambientet e Gjykatës së Posaçme të Apelit.
Kjo, pasi ai rezulton se ka përdorur telefonin e një polici dhe ka bërë telefonata.
Gjatë marrjes në pyetje, oficeri i Burgjeve e ka pranuar një gjë të tillë dhe ka thënë se e bëri nga frika.
Më 13 mars, Apeli i Posaçëm la në burg kryebashkiakun e Tiranës, Erion Veliaj, që ndodhet nën hetim për korrupsion pasiv dhe pastrim parash, duke marrë parasysh kështu kërkesën e Prokurorisë së Posaçme.
Seanca nisi që ditën e martë, 10 mars, por me depozitimin e provave të reja nga prokuroria u kërkua shtyrja e saj e më pas gjyqtari Engert Pëllumbi vendosi që shpalljen e vendimit ta bëjë të enjten, 13 mars.
Veliaj kundërshtoi provat e reja që SPAK pretendon se janë siguruar përmes përgjimeve telefonike.
Kryetari i Bashkisë u shpreh se ato që hetuesit i quajnë prova janë në fakt bisedat familjare të 1 muaji që ai ndodhet në qeli, por deklaratat e tij nuk u morën parasysh.
Ndërkohë masa nuk ndryshoi për 4 biznesmenët e tjerë të cilët ishin lënë në detyrim paraqitje. Për Elman Abule u vendos zbutja e masës nga arrest në burg, në arrest shtëpie.
I njëjti gjyqtar Engert Pëllumbi, po ashtu la të ngrira dy llogaritë bankarë të Ajola Xoxës për të cilat ajo i kishte kërkuar apelit heqjen e sekuestros .
Kjo e fundit, e dyshuar për tri vepra penale, nuk e ka ankimuar masën e detyrimit të paraqitjes, dy herë në muaj./ilirianews.al
