Kryeministri i Maqedonisë së Veriut, Hristijan Mickoski, njoftoi se nuk do të japë dorëheqjen, duke theksuar se, sipas tij, “të gjithë janë të vetëdijshëm se Qeveria nuk ka përgjegjësi për tragjedinë në diskotekën e Koçanit.”
“Demonstrimi i përgjegjësisë morale është i nevojshëm. Shumica e njerëzve e dinë se Qeveria nuk është fajtore në këtë çështje”, tha Mickoski.
Në një deklaratë për mediat lidhur me tragjedinë në Koçan, ai shtoi se nuk do të lejojë që sistemi i korruptuar të dalë fitues.
“Nuk kam nevojë për pushtet me çdo kusht. Unë jam këtu për të dhënë një shembull personal. A do të lejojmë që sistemi i korruptuar të triumfojë? Sigurisht që jo”, u shpreh Mickoski.
