Ish-presidenti i Kosovës, Hashim Thaçi, ka qëndruar dje për disa orë në Prishtinë për të vizituar babain e tij në spital.
Kjo vizitë është mundësuar pas disa refuzimeve nga ana e autoriteteve të Hagës dhe pas ankesave për shkelje të të drejtave të tij njerëzore. Gjatë qëndrimit të tij në QKUK, Thaçi është mbajtur nën masa të rrepta sigurie deri në momentin e largimit nga spitali.
Agjentët e sigurisë të Hagës, të veshur me rroba civile dhe maska që mbulonin pjesën e sipërme të trupit, kanë ruajtur me kujdes ish-presidentin.
Një prej mjekëve që e ka përshëndetur Thaçin dhe ka shkëmbyer disa fjalë me të në shkallët e spitalit, ka marrë një tërheqje vërejtjeje nga trupat e sigurisë, pas së cilës ka pasur një shkëmbim fjalësh me ta.
Ajo që tërhoqi vëmendjen ishte kujdesi që kishin treguar rojet për të mbajtur të fshehtë identitetin e tyre. Ata u kujdesën që ta ruanin Thaçin në detaje, duke vëzhguar ambientin në tërësi.
