Kreu i qeverisë dhe ai i shtetit e nisën ditën me një urim për të gjithë shqiptarët.
Me rastin e festës së Ditës së Verës, një festë tradicionale me origjinë të hershme në Elbasan, që shënon ardhjen e stinës së pranverës, Rama dhe Begaj përmes rrjeteve të tyre sociale kanë uruar shqiptarët.
Postimi i kryeministri shoqërohet me një video nga Elbasani, ndërsa presidenti e ka shoqëruar urimin e tij me foton e shportës me elemente simbol të Ditës së Verës si, ballokumen, ëmbëlsirën tradicionale, lulet dhe degën e ullirit, të cilat, gjithashtu, përcjellin dëshirën për ardhjen e një stine të gëzueshme, të mbarë e të begatë.
“Gëzuar Ditën e Verës me këtë shportë të përgatitur nga amvisat e Elbasanit, kryeqytetit shqiptar të festimit të kësaj dite!”, shkruan Begaj.
