Jurgen Klinsmann pranon se dëshiron të mbështesë Interin në përballjen e tyre me Bayern Munich.
Ish-sulmuesi fitoi tituj me të dy gjigantët dhe thotë se mund të favorizojë një ekip mbi tjetrin përpara çerekfinales së Champions League.
Klinsmann tha për La Gazzetta dello Sport: “Kë do të mbështes? Kam luajtur për të dyja skuadrat. Por dua të jem atje, dua të vij në San Siro, të mbështes Interin.
“Është për të ardhur keq që kjo sfidë vjen kaq herët, në çerekfinalet e Champions League. Duhej të ishte një ndeshje finale dhe në Mynih. Mendoni sa bukur do të ishte.
“Natyrisht që Bayern dëshiron të arrijë deri në fund me çdo kusht, sepse ka një ndeshje të veçantë në shtëpi, finalen. Kur vjen mundësia të luash një ndeshje që vlen Champions-in në stadiumin tënd? Por për Inter-in është koha për të fituar sërish një Champions.
“Interi ka një mënyrë të shkëlqyer për të luajtur, për stilin e tyre, një 3-5-2 që i sheh lojtarët vazhdimisht të ndryshojnë pozicione mes tyre. Interi është i mrekullueshëm për t’u parë”.
