Një aksident i rëndë ka ndodhur mbrëmjen e sotme në aksin Lezhë-Shkodër, pranë kryqëzimit të fshatit Dajç.
Një ekskavator është përplasur me një motoçikletë, ku për pasojë ka ndërruar jetë drejtuesi i motomjetit.
Sipas njoftimit zyrtar, rreth orës 20:50, kamioni i drejtuar nga shtetasi K. Z., 28 vjeç, është përplasur me një motoçikletë që drejtohej nga shtetasi Arben Tanushi, 51 vjeç.
Përplasja ka rezultuar fatale për drejtuesin e motorit, i cili, pavarësisht ndërhyrjes së menjëhershme mjekësore, nuk ka mundur t’i mbijetojë plagëve të rënda.
Policia ka shoqëruar në Komisariat drejtuesin e kamionit, K. Z., për veprime të mëtejshme procedurale, ndërsa grupi hetimor vijon punën për të zbardhur rrethanat dhe shkaqet e aksidentit.
Policia ndodhet në vendngjarje dhe po heton për shkaqet e aksidentit.
