Presidenti i Ukrainës, Volodymyr Zelensky, ditën e sotme do të zhvillojë një takim në Arabinë Saudite.
Ai do të takoj princin e Kurorës, Mohammed bin Salman ku do të bëhen bisedime mes ekipit të presidentit ukrainas dhe zyrtarëve amerikanë për përfundimin e luftës me Rusinë.
Princi i Arabisë Saudite ka luajtur një rol të rëndësishëm që nga pushtimi i Rusisë e cila ka që në vitin 2022, duke përfshirë ndërmjetësimin e e shkëmbimeve të të burgosurve dhe pritjen e bisedimeve midis Rusisë dhe SHBA-së muajin e kaluar.
Gjithashtu, Zelensky ka bërë një reagim në platformën “X” ku shprehet se janë të përkushtuar ndaj dialogut, ndërsa shpreson se do dakordësohen për vendimet dhe fazat e nevojshme.
“Nga ana jonë, ne jemi plotësisht të përkushtuar ndaj dialogut konstruktiv dhe shpresojmë të diskutojmë dhe të biem dakord për vendimet dhe fazat e nevojshme. Propozime realiste janë në tryezë. Çelësi është të lëvizësh shpejt dhe me efektivitet”, shprehet ai.
