Presidenti i Shteteve të Bashkuara të Amerikës, Donald Trump ka mbajtur fjalimin e parë të përbashkët në Kongres pas rikthimit në pushtet, duke theksuar arritjet e administratës së tij dhe sfiduar politikat e administratës së Biden.
Gjatë një fjalimi të gjatë, Trump shpjegoi se momenti, shpirti dhe besimi i Amerikës janë kthyer dhe theksoi se ëndrra amerikane po bëhej më e fuqishme se kurrë më parë.
Gjithashtu, ai ka folur për arritjet e administratës së tij duke shprehur se kishte arritur më shumë në vetëm 43 ditë sesa shumica e administratave të mëparshme në katër apo edhe tetë vjet.
Ndërkohë, presidenti nuk lë pa përmendur marrëdhëniet ndërkombëtare përfshirë marrëveshjen me Ukrainën i cili shprehu dëshirën për rinovimin e bisedimeve të paqes me Rusinë. Trump theksoi se ka sinjale të forta se Rusia është gati për paqe dhe shprehu besimin se mund të arrihet një marrëveshje, pavarësisht dështimeve të mëparshme.
Ndër të tjera, kritikoi disa shtete për praktikat tregtare të padrejtë, përfshirë Bashkimin Evropian, Indinë, Meksikën dhe Brazilin, duke njoftuar se SHBA do të vendosë tarifa reciproke për të mbrojtur interesat e saj.
