Komisioneri Shtetëror i Zgjedhjeve, Ilirjan Celibashi, ka miratuar regjistrimin e tre koalicioneve parazgjedhore për zgjedhjet parlamentare të 11 majit. Pas përfundimit të afatit ligjor, KQZ ka përpunuar regjistrimin e subjekteve politike.
Koalicioni me numrin më të madh të partive është PA – Aleanca për Shqipërinë Madhështore, i udhëhequr nga Sali Berisha, me gjithsej 26 parti. Ky koalicion ndiqet nga “Nisma – Shqipëria Bëhet”, që ka tre parti dhe drejtohet nga Adriatik Lapaj, si dhe koalicioni “Djathtas për Zhvillim” me dy parti, të udhëhequr nga Dashamir Shehi.
Pas regjistrimit të koalicioneve, afati i radhës është ai për regjistrimin e kandidatëve për deputet, ku afati për dorëzimin e listave shumëemërore është 12 mars.
