Samiti i Londrës për Ukrainën në Lancaster House përfundoi pas pak më pak se dy orësh, me pjesëmarrjen e 15 liderëve dhe të organizuar nga kryeministri britanik Keir Starmer.
“Shpresoj se ju e dini se të gjithë ne këtu jemi në anën tuaj dhe në anën e popullit ukrainas për aq kohë sa duhet,” i tha Starmer Volodymyr Zelensky, i cili ishte i pranishëm që në fillim të këtij takimi.
Siç vuri në dukje kryeministri britanik, ky është një moment unik për sigurinë evropiane dhe se situata në Ukrainë është me rëndësi jetime për sigurinë e të gjithë Europës.
“Të kesh një rezultat të mirë për Ukrainën nuk është vetëm një çështje e mirë apo e keqe. Është një çështje me rëndësi jetike për sigurinë e çdo kombi këtu dhe në rajone të tjera”, shtoi Keir Starmer.
Në të njëjtën kohë, ai tha se synon të punojë në një plan në lidhje me Ukrainën, të cilin më pas do ta “diskutojë me SHBA-në dhe së bashku do të ecim përpara”.
Konkretisht për samitin e sotëm, ai shtoi se ata shqetësohen “si do të arrijmë një paqe të drejtë dhe të qëndrueshme dhe si do ta mbështesim Ukrainën, sepse edhe kur Rusia flet për paqen, ajo vazhdon agresionin e saj të pamëshirshëm”.
Ndërkohë, nga ana tjetër sekretari i Përgjithshëm i NATO-s, Mark Ruttë i ka bërë thirrje presidentit ukrainas, Volodymyr Zelenskyt që të rregullojë marrëdhëniet me presidentin e SHBA-së, Donald Trump, pas takimit të tensionuar që patën të premten në Shtëpinë e Bardhë.
Edhe më herët, në një intervistë të dhënë për BBC, Rrute tha se ishte e rëndësishme që Zelensky të gjejë një mënyrë për të rivendosur marrëdhëniet e tij me presidentin amerikan dhe me ekipin e lartë udhëheqës të Shteteve të Bashkuara të Amerikës.
Ndërkohë, Presidentja e Komisionit Europian, Ursula von der Leyen, e përshkroi samitin e kësaj të diele si “të mirë” dhe të “sinqertë”.
Ajo bëri me dije se liderët diskutuan për nevojën për garanci gjithëpërfshirëse të sigurisë, duke përfshirë vendosjen e Ukrainës në një pozicion të fortë dhe sigurimin që ajo të ketë mjetet për të mbrojtur veten.
“Tani është me rëndësi të madhe që të rrisim shpenzimet…është e rëndësishme që të përgatitemi për më të keqen,” tha ajo ndër të tjera.
Gjithashtu, Von der Leyen i dërgoi dhe një mesazh Donald Trump duke i thënë: “Ne jemi fati që së bashku me ju të mbrojmë demokracinë, të mbrojmë parimin se ekziston një shtet ligjor që nuk mund të pushtoni fqinjin tuaj ose nuk mund t’i ndryshoni kufijtë me forcë. Është në interesin tonë të përbashkët që ne të parandalojmë luftërat e ardhshme”.
